Neges gan Bennaeth yr Ysgol, Yr Athro Bruce Vanstone Amdanom Ni
Yn Ysgol Fusnes Albert Gubay, byddwch yn rhan o gymuned ddeinamig, groesawgar, sy’n rhoi pwyslais ar ymchwil. Byddwch yn cael eich dysgu gan academyddion blaenllaw y mae eu hymchwil yn llunio polisi, yn sbarduno arloesi yn y diwydiant ac yn dyfnhau dealltwriaeth o fusnes yn y byd go iawn.
Rydym yn cynnig amrywiaeth eang o raglenni - o raddau israddedig ac ôl-radd i astudiaethau doethurol - wedi eu cynllunio i'ch arfogi â'r sgiliau, y wybodaeth a'r hyder i lwyddo yn y byd cystadleuol sydd ohoni.
Ymunwch â ni i gael profiad o fod mewn amgylchedd bywiog a chefnogol lle mae eich syniadau'n bwysig, lle mae eich uchelgeisiau'n cael eu meithrin a lle mae eich gyrfa yn y dyfodol yn flaenoriaeth i ni. Rydym yn edrych ymlaen at eich croesawu a'ch cynorthwyo i wireddu eich potensial.
Croeso i Ysgol Fusnes Albert Gubay
Mae'r byd yn newid mewn ffyrdd na ellir eu rhagweld.
Gall fod yn anodd i bobl ddeall sut i wneud gwahaniaeth gwirioneddol.
Yn Ysgol Busnes ÑÇÖÞÉ«°É, rydym yn credu gallwch ysgogi newid cadarnhaol ar draws y byd gyda’r addysg a’r sgiliau cywir.
Rydym yn hyderus o hyn, oherwydd mae ein staff ymchwil a'n graddedigion yn gwneud argraff lle bynnag y maent yn mynd.
Cymryd heriau busnes y byd go iawn i’w dwylo eu hunain.
P’un a yw hynny’n defnyddio dadansoddeg data i roi hwb i effeithlonrwydd y stryd fawr yn lleol, datblygu polisïau cynaliadwy cadarn ar gyfer y diwydiant twristiaeth, ymchwilio i'r berthynas rhwng brandiau a sbwriel, er enghraifft, dadansoddi ymddygiad defnyddwyr, a helpu pobl i wneud penderfyniadau sy’n well i’w hiechyd a’r amgylchedd.
Dyma'r lle i wneud gwahaniaeth gwirioneddol, ac mae hefyd yn lle hardd i wneud hynny.
Ysgol Busnes ÑÇÖÞÉ«°É yw lle mae traddodiad yn cwrdd ag arloesi.
Gyda chyfleusterau o'r radd flaenaf fel ein terfynellau Bloomberg dim ond taith fer o’r Ddarllenfa Shankland.
Nid damwain yw twf a datblygiad yr Ysgol Busnes.
Rydyn ni'n un o'r darparwyr addysgu bancio a chyllid hynaf yn y byd.
Mae ein ffocws ar gyflogadwyedd a sgiliau'r dyfodol yn allweddol.
Rydym yn gweithio amrywiaeth o fusnesau ac elusennau, yn lleol yng Nghymru, ledled y Deyrnas Unedig, ac ar draws y byd.
Gwella ansawdd a chwmpas ein hymchwil, ond hefyd darparu addysg ragorol trwy teithiau maes a dysgu am arbenigedd amrywiol diwydiannau.
Darparu'r sgiliau y mae cyflogwyr eu heisiau mewn gwirionedd.
Mae Ysgol Busnes ÑÇÖÞÉ«°É yn fwy na lle i astudio, mae'n le i arweinwyr y dyfodol cael eu ffurfio, lle mae arloesedd yn ffynnu, a lle ymdrinnir yn uniongyrchol â heriau byd-eang.
Ni yw'r ysgol sy'n golygu busnes, a hoffem chi ymuno â ni i gyd-lunio’r dyfodol.
Ein Meysydd Pwnc
Yn Ysgol Fusnes Albert Gubay, rydym yn cynnig amrywiaeth eang o raglenni israddedig, ôl-radd hyfforddedig ac ôl-radd ymchwil, gyda dewisiadau astudio llawn-amser a rhan-amser hyblyg i gyd-fynd â’ch anghenion chi.
Cartref Newydd i Addysg Fusnes yng Ngogledd Cymru
Mae rhodd o £10.5m gan Sefydliad Elusennol Albert Gubay yn dod ag Ysgol Fusnes newydd, o'r radd flaenaf i Ogledd Cymru.
Bydd yr adeilad newydd yn ganolfan fodern i ysbrydoli a grymuso'r genhedlaeth nesaf o arweinwyr busnes.
Wedi'i Ddylunio O Amgylch Eich Dyfodol Ysgol Fusnes Albert Gubay: Creu Arweinwyr Busnes Yfory
Yn Ysgol Fusnes Albert Gubay, mae eich addysg wedi'i hadeiladu o'ch cwmpas - gyda mannau ysbrydoledig, rhaglenni arloesol a chyfleoedd cydweithredol byd-go-iawn sy'n eich paratoi i ffynnu mewn economi fyd-eang sy'n newid yn gyflym.
Ymchwil ac Effaith
Mae Ysgol Fusnes Albert Gubay yn gartref i ddwy ganolfan ymchwil ddeinamig sy'n dod ag arbenigwyr, myfyrwyr a phartneriaid ynghyd i fynd i'r afael â heriau mawr a chreu effaith yn y byd go iawn.
Ewch i’r dolenni isod i ddarganfod mwy am eu gweithgareddau, eu cyflawniadau a'u cyfleoedd i gymryd rhan.
Mae Ysgol Fusnes Albert Gubay yn gartref i ddwy ganolfan ymchwil ddeinamig sy'n dod ag arbenigwyr, myfyrwyr a phartneriaid ynghyd i fynd i'r afael â heriau mawr a chreu effaith yn y byd go iawn.
Ewch i’r dolenni isod i ddarganfod mwy am eu gweithgareddau, eu cyflawniadau a'u cyfleoedd i gymryd rhan.
Newyddion Diweddaraf Ysgol Fusnes Albert Gubbay
Gweld Mwy-
15 Hydref 2025Cynhadledd Cyfrifeg a Chyllid 6ed Dosbarth
-
22 Medi 2025Dyfarnwyd Medal yr Academi Rheolaeth Brydeinig ar gyfer Datblygu Gwybodaeth i Dr Fariba Darabi
-
17 Medi 2025Uwch Ddarlithydd o Brifysgol ÑÇÖÞÉ«°É yn derbyn gwobr am hyrwyddo rhagoriaeth mewn ymarfer addysgu
-
21 Gorffennaf 2025Dr Georgina Smith wedi ennill Gwobr Addysg a Phrofiad Myfyrwyr Prifysgol ÑÇÖÞÉ«°É
Y Clinig Busnes
Mae'r Clinig Busnes yn adeiladu ar gysylltiadau cryf Ysgol Fusnes Albert Gubay â diwydiant ac yn creu cyfleoedd newydd i gydweithio. Mae'n cynnig cyfle i fusnesau sefydledig a busnesau newydd uchelgeisiol fanteisio ar gyfoeth arbenigedd yr ysgol.
Mae busnesau'n cael mynediad at wybodaeth arloesol, atebion ymarferol, a meddwl arloesol, tra bod myfyrwyr yn cael profiad ymarferol, yn datblygu sgiliau gwirioneddol ac yn cydweithio ar brojectau byw. Gyda'n gilydd, rydym yn troi heriau'n gyfleoedd ac yn sbarduno twf a llwyddiant.
Ysbrydoli'r Dyfodol: Allgymorth yn Ysgol Fusnes Albert Gubay
Mae ein Tîm Allgymorth yn gweithio gydag ysgolion a cholegau ledled gogledd Cymru i greu cyfleoedd sy'n mynd y tu hwnt i'r ystafell ddosbarth — gan helpu pobl ifanc i ddarganfod eu potensial, cael profiad o fywyd prifysgol, a dychmygu'r dyfodol sy'n disgwyl amdanynt.
Os ydych chi’n ddisgybl sy'n chwilfrydig am beth i’w wneud nesaf, yn athro sy'n chwilio am gyfleoedd i gyfoethogi eich addysgu, neu'n gynghorydd sy'n cynnig arweiniad i ddisgyblion sy’n ystyried addysg uwch, mae ein rhaglenni ni wedi cael eu cynllunio i ysbrydoli, addysgu a grymuso.
Ein Partneriaeth
Rydym yn cydweithio â busnesau, sefydliadau a chymunedau yn lleol ac yn fyd-eang. Rydym yn gweithio gyda rhwydwaith amrywiol o bartneriaid lleol a byd-eang - o gwmnïau a sefydliadau'r sector cyhoeddus i elusennau a busnesau newydd - i greu cyfleoedd sy'n cysylltu myfyrwyr â dysgu yn y byd go iawn ac amrywiaeth eang o lwybrau gyrfa.
Mae'r partneriaethau hyn yn rhoi mynediad i chi at ein harbenigedd ymchwil a chronfa dalentog o fyfyrwyr sy'n barod i fynd i'r afael â heriau gwirioneddol yn y byd.
Gyda'n gilydd, rydym yn sbarduno twf, cynaliadwyedd ac effaith - gan droi syniadau'n weithredu a chreu newid ystyrlon i ogledd Cymru a thu hwnt.
Cronfeydd Data mwyaf blaenllaw’r Diwydiant
Yn Ysgol Fusnes Albert Gubay, bydd gennych fynediad at gronfeydd data blaenllaw'r diwydiant, gan gynnwys Bloomberg. Mae defnyddio'r adnoddau hyn yn eich cyrsiau yn rhoi profiad ymarferol i chi o ddefnyddio’r un adnoddau y mae gweithwyr proffesiynol yn dibynnu arnynt, gan eich helpu i feithrin sgiliau ymarferol a'ch paratoi at yrfa lwyddiannus yn y diwydiant.
Ein Cyfleusterau ac Adnoddau
Yn Ysgol Fusnes Albert Gubay, bydd gennych fynediad at gyfleusterau ac adnoddau o ansawdd uchel sydd wedi eu cynllunio i wella eich profiad dysgu. O dechnoleg arloesol a chronfeydd data i fannau astudio cydweithredol, mae popeth yma i'ch cynorthwyo i lwyddo, cydweithio a thrafod syniadau.
Podlediad gan Ysgol Fusnes Albert Gubay
DILYNWCH NI
Cadwch lygad ar y newyddion, y digwyddiadau a’r straeon ysbrydoledig diweddaraf gan ein cymuned myfyrwyr, a chael cipolwg y tu ôl i’r llenni ar fywyd, dysgu ac arloesi yn yr ysgol.
Albert Gubay Business School, Prifysgol ÑÇÖÞÉ«°É, ÑÇÖÞÉ«°É LL57 2DG