����ɫ��

Ers y lansiad ym mis Tachwedd 2024, gwnaed dros 900,000 o chwiliadau gan ddefnyddio Ecosia ar ddyfeisiau’r brifysgol.

Yn seiliedig ar gyfrifiad Ecosia, mae’n cymryd tua 50 o chwiliadau i dalu am blannu un goeden, ac felly mae defnydd Prifysgol ����ɫ�� o'r peiriant chwilio wedi cynhyrchu'r hyn sy'n cyfateb i 20 cae pêl-droed o goed.

Newidiodd y brifysgol yr holl gyfrifiaduron a reolir yn ganolog i Ecosia fel rhan o'i hymrwymiad ehangach i gynaliadwyedd a newid yn yr hinsawdd ddechrau mis Tachwedd 2024.

Mae hyn wedi rhoi ����ɫ�� ar frig rhestr o sefydliadau addysg uwch sy'n arloesi gyda dewisiadau digidol sy'n amgylcheddol gyfrifol.

Dywedodd yr Is-brofost, yr Athro Oliver Turnbull, a arweiniodd y newid i Ecosia: “Mae’r newid syml hwn wedi cael effaith mawr mewn blwyddyn.

“Mae’n dangos beth sy’n bosib pan fydd cymuned prifysgol yn dod at ei gilydd gyda phwrpas cyffredin.”

“Mae pob chwiliad ar-lein bellach yn gwneud cyfraniad bach ond pwysig at ailgoedwigo byd-eang ac mae hynny’n rhywbeth y gall ein myfyrwyr a’n staff deimlo’n wirioneddol falch ohono,” ychwanegodd.

Mae Ecosia yn defnyddio elw a gynhyrchir trwy chwiliadau gwe i dalu am blannu coed mewn mannau lle mae bioamrywiaeth dan fygythiad, adfer tirweddau, cefnogi cymunedau a helpu mynd i'r afael â newid yn yr hinsawdd.

Meddai’r Athro Christian Dunn, Dirprwy Is-ganghellor Cynorthwyol dros Gynaliadwyedd: “Mae newid i Ecosia wedi dangos nad oes rhaid, o reidrwydd, gwneud dim byd cymhleth i helpu’r amgylchedd.

“Mae brwdfrydedd ein myfyrwyr - a awgrymodd ein bod yn defnyddio Ecosia - wedi bod yn ysbrydoliaeth, ac rydym yn edrych ymlaen at adeiladu ar y llwyddiant hwn gyda mwy o fentrau o fudd i natur yn y flwyddyn nesaf.”

Canmolodd Fred Henderson, Rheolwr Llwyddiant Defnyddwyr Ecosia, Brifysgol ����ɫ��, gan ddweud: “Mae’n wych gweld myfyrwyr a staff ����ɫ�� yn arwain y ffordd a phlannu dros 18,000 o goed drwy newid eu cyfrifiaduron i ddefnyddio Ecosia yn unig - rhywbeth y gall unrhyw gwmni, ysgol neu brifysgol ei wneud i gael effaith.”

“Mae Prifysgol ����ɫ�� yn gwneud cyfraniad anhygoel at ymladd yn erbyn yr argyfwng hinsawdd a natur,” ychwanegodd.

Bydd Prifysgol ����ɫ�� yn parhau i weithio gyda staff, myfyrwyr a phartneriaid lleol ar y gyfres nesaf o fentrau cynaliadwyedd a mentrau o fudd i natur ar draws y brifysgol.