����ɫ��

Mae canlyniadau Arolwg Cenedlaethol o Fyfyrwyr 2024 ar gyfer Prifysgol ����ɫ�� wedi eu cyhoeddi.

Roedd wyth o bob 10 myfyriwr a holwyd yn fodlon ag ansawdd eu cwrs, i fyny 10% ar y llynedd ac yn unol â chyfartaledd y sector yng Nghymru.

Cynyddodd boddhad cyffredinol ym Mhrifysgol ����ɫ�� ar draws yr holl themâu a archwiliwyd gan Arolwg Cenedlaethol o Fyfyrwyr, sy'n arolygu myfyrwyr blwyddyn olaf mewn sefydliadau cymwys.

Cynyddodd boddhad myfyrwyr gyda'r addysgu ar eu cwrs 6% i gyrraedd 86%. Mae cwestiynau o dan y thema hon yn cynnwys: pa mor dda y mae staff addysgu yn egluro pethau, a yw staff yn gwneud pynciau'n ddiddorol a pha mor aml faint mae myfyrwyr yn teimlo eu bod yn cael eu hysgogi'n ddeallusol, a pha mor aml mae'r cwrs yn herio myfyrwyr i gyflawni eu gwaith gorau. Cynyddodd bodlonrwydd â chymorth academaidd, sy'n edrych ar ba mor dda y mae cyrsiau wedi'u trefnu, hefyd o 8%, i 85%.

Ein rhaglenni cryfaf o ran boddhad myfyrwyr, yn cyrraedd boddhad o 100% yw: Cadwraeth Amgylcheddol, Gwyddorau Chwaraeon ac Ymarfer, Sŵoleg gyda Ymddygiad Anifeiliaid a Sŵoleg gyda Chadwraeth, Gwyddorau Chwaraeon Antur, Hylendid Deintyddol, Gwyddorau Biofeddygol, Astudiaethau Plentyndod ac Ieuenctid, a Troseddeg a Chyfiawnder Troseddol. O ran meysydd pwnc, cafwyd boddhad o 100% mewn Gwyddor Anifeiliaid, Gwyddor Biofeddygol, Deintyddiaeth, Daearyddiaeth Ddynol ac Astudiaethau'r Gymraeg.

Roedd boddhad myfyrwyr yn 90% neu fwy yn y rhaglenni canlynol: Dylunio Cynnyrch, Bioleg Môr a Sŵoleg, Seicoleg gyda Seicoleg Glinigol ac Iechyd, Hanes, Cyfrifiadureg, Coedwigaeth, Bioleg Môr, Gwyddor Amgylcheddol, Troseddeg a Chyfiawner Troseddol a Seicoleg, Bioleg Môr ac Eigioneg, Bydwreigiaeth ac Athroniaeth a Chrefydd.

Roedd canlyniadau'r ACF hefyd yn adlewyrchu mwy o foddhad o ran gwrando ar lais y myfyriwr.

Dywedodd Nida Ambreen, Llywydd Undeb y Myfyrwyr, Undeb ����ɫ��, “Rwy’n hynod falch o rannu bod 75% o’n myfyrwyr yn teimlo ein bod yn cynrychioli eu buddiannau yn effeithiol, o gymharu â chyfartaledd y sector o 73%. Rydym hefyd yn falch o weld boddhad uchel mewn llawer o feysydd pwnc, ac mae sgôr llais myfyrwyr hefyd wedi codi i 75%. Mae'r canlyniadau hyn yn cadarnhau effaith gadarnhaol cydweithio Undeb ����ɫ�� â'r Brifysgol, gan ddangos bod myfyrwyr yn gwerthfawrogi ein partneriaeth a bod y bartneriaeth honno’n cyfoethogi eu profiad academaidd. Mae hyn yn atgyfnerthu ein hymrwymiad i eirioli a chefnogi ein cymuned o fyfyrwyr."

Gan ymateb i’r canlyniadau, dywedodd yr Athro Nichola Callow, y Dirprwy Is-ganghellor dros Addysg a Phrofiad Myfyrwyr,

“Rydym yn ddiolchgar i bob myfyriwr a gymerodd ran yn yr ACF.  Wrth edrych ar y canlyniadau hyn, gallwn fod yn falch iawn o’r ffaith ein bod wedi llwyddo i gynyddu boddhad myfyrwyr 10% eleni. Rydym yn gweithio'n galed i gynllunio cyrsiau sy'n ysbrydoli, yn herio ac yn grymuso myfyrwyr i gystadlu mewn marchnad raddedigion rhanbarthol a byd-eang. Rydyn ni’n gwneud hyn fel rhan o’r gymuned arbennig iawn sydd gennym ni yma ym Mangor, un lle rydyn ni’n gobeithio bod myfyrwyr yn gyffrous i lunio eu profiad prifysgol eu hunain, gan wybod y byddwn ni’n gwneud popeth i’w helpu i gyrraedd eu potensial.”