ÑÇÖÞÉ«°É

Universities' Superannuation Scheme (USS)

Cynigir aelodaeth USS i staff academaidd ac academaidd-gysylltiedig  (Gradd 7 neu uwch)

Mae USS yn gynllun sydd yn benodol ar gyfer staff academaidd ac academaidd-gysylltiedig mewn prifysgolion y DU a sefydliadau eraill penodol sy’n gyflogedig mewn addysg uwch ac ymchwil. 

• Cynllun cofrestru awtomatig: Mae USS yn gynllun a ddefnyddir ar gyfer cofrestru’n awtomatig ym Mhrifysgol ÑÇÖÞÉ«°É. O dan gyfraith y DU, caiff gweithwyr cymwys eu cofrestru'n awtomatig ar gyfer pensiwn gweithle.
• Rheolaeth Ymroddedig: Mae USS yn gweithredu fel y cwmni ymddiriedolwyr, sy'n gyfrifol am weinyddu a llywodraethu'r cynllun.
• Gwybodaeth Bellach: Ceir rhagor o wybodaeth ar wefan USS 

Cynllun Pensiwn ac Yswiriant Prifysgol ÑÇÖÞÉ«°É (CPYPB)

Y cynllun CPYPB yw’r cynllun pensiwn Budd-dal Diffiniedig (DB) sy’n benodol ar gyfer holl staff cefnogol ac ategol (Gradd 1 i 6).

• Yn Benodol i Brifysgol ÑÇÖÞÉ«°É: Mae'r cynllun hwn yn benodol ar gyfer gweithwyr Prifysgol ÑÇÖÞÉ«°É.
• Llywodraethu: Caiff y cynllun ei reoli gan fwrdd o wyth o ymddiriedolwyr, gyda chynrychiolaeth gyfartal o'r Brifysgol (a benodir gan y cyflogwr) ac aelodau o'r cynllun (a enwebir gan yr aelodau).

• Ymuno â'r cynllun: Rhaid i aelodau cymwys o staff sydd â diddordeb mewn ymuno â BUPAS lenwi ffurflen gais. Darperir y ffurflen hon fel arfer gyda’ch cytundeb cyflogaeth neu gellir ei chael yn uniongyrchol gan y Swyddfa Bensiynau (pensions@bangor.ac.uk).

• Gwybodaeth Bellach: Gallwch ddod o hyd i wybodaeth bellach ar wefan y Brifysgol Cynllun Pensiwn ac Yswiriant Prifysgol ÑÇÖÞÉ«°É

Cynllun Pensiwn Prifysgol ÑÇÖÞÉ«°É (CPPB)

Mae’r Cynllun Pensiwn Prifysgol ÑÇÖÞÉ«°É (CPPB) yn gynllun cofrestru awtomatig Cyfraniad Diffiniedig (CD) ar gyfer yr holl staff cefnogol ac ategol (Gradd 1 i 6). Mae CPPB yn gweithredu fel cynllun Ymddiriedolaeth Feistr, gyda Standard Life yn ddarparwr y cynllun.

• Cynllun cofrestru awtomatig: CPPB yw'r cynllun a ddefnyddir ar gyfer cofrestru’n awtomatig ym Mhrifysgol ÑÇÖÞÉ«°É. O dan gyfraith y DU, caiff gweithwyr cymwys eu cofrestru'n awtomatig ar gyfer pensiwn gweithle.

• Ymuno â'r Cynllun: Os byddwch yn bodloni meini prawf cofrestru awtomatig y DU (fel arfer yn 22 oed i oedran Pensiwn y Wladwriaeth ac yn ennill uwchlaw’r trothwy penodol), byddwch yn ymuno’n awtomatig â CPPB heb orfod llenwi ffurflen gais.

• Gwybodaeth Bellach: Ceir gwybodaeth bellach am y cynllun ar wefan Standard Life 

National Employment Savings Trust (NEST)

National Employment Savings Trust (NEST) yw’r cynllun cenedlaethol a gynigir yn bennaf gan y Brifysgol i'r holl weithwyr achlysurol.

Mae'r term 'gweithiwr achlysurol' yn cyfeirio at unrhyw un a allai weithio am gyfnodau byr yn ôl y gofyn ar ran y Brifysgol. Mae hyn fel arfer ar gyfer tasgau unigol neu ddigwyddiadau penodol ac nid yw'n cynnwys staff â chytundebau rheolaidd.

• Cofrestru Awtomatig ar gyfer staff achlysurol: Mae NEST yn gweithredu fel y cynllun cofrestru awtomatig ar gyfer aelodau cymwys o staff achlysurol. Mae'n ofynnol yn gyfreithiol i gyflogwyr yn y DU gofrestru gweithwyr cymwys yn awtomatig ar gyfer pensiwn gweithle.

• Ymuno â'r Cynllun: Os byddwch yn bodloni meini prawf rheolau cofrestru awtomatig y DU (fel arfer yn 22 oed i oedran Pensiwn y Wladwriaeth ac yn ennill uwchlaw’r trothwy penodol), byddwch yn ymuno’n awtomatig â chynllun NEST heb orfod llenwi ffurflen gais.

• Gwybodaeth Bellach: Gallwch ddod o hyd i ragor o wybodaeth am y cynllun NEST ar eu gwefan swyddogol .

Ceir manylion ein gweithdrefn Cofrestru’n Awtomatig ar y ddolen ganlynol: Gofrestru Awtomatig.

Rydym yn annog pob aelod o staff i adolygu manylion y cynlluniau pensiwn sy'n berthnasol i'w cyflogaeth er mwyn gwneud penderfyniadau gwybodus am eu dyfodol ariannol. Os oes gennych unrhyw gwestiynau, cysylltwch â'r Swyddfa Bensiynau (pensions@bangor.ac.uk).