ÑÇÖÞÉ«°É

Mae ein rhaglenni’n cael eu cyd-ysgrifennu a’u cyd-gyflwyno gan ysgolion cynradd rhagorol yn y rhanbarth. Byddwch yn cael sesiynau diddorol yn y brifysgol ac mewn ysgolion arweiniol er mwyn eich helpu i ddeall y berthynas rhwng ymarfer a theori. Bydd y sesiynau hyn yn sicrhau y byddwch yn datblygu i fod yn athro hynod adfyfyriol a meddylgar.

Yno byddwch yn cael eich cefnogi gan fentoriaid arweiniol gwych y rhwydwaith, a byddwch hefyd yn cael clywed gan ystod o athrawon o bob rhan o'r ysgol am eu cyfrifoldebau. Mae'r ysgolion hyn hefyd yn rhoi’r cyfle i chi arsylwi, cynnal teithiau dysgu a gweithio ochr yn ochr â grwpiau bach o blant. Bydd y sesiynau hyn yn sicrhau eich bod yn hyderus ac yn barod ar gyfer yr ystafell ddosbarth. Ar leoliad byddwch yn cael eich cefnogi gan fentoriaid dosbarth medrus. Rydym yn cynnig ystod o leoliadau mewn ysgolion amrywiol, a chewch gyfle i ddewis yr ystod oedran sydd orau gennych ym mlwyddyn 3.

Yma ym Mhrifysgol ÑÇÖÞÉ«°É, rydym yn ymfalchïo mewn bod yn Brifysgol ddwyieithog, lle mae gennych y dewis o astudio ar gyfer gradd BA Addysg Gynradd yn iaith o’ch dewis - Cymraeg neu Saesneg. Bydd pob ysgol yng Nghymru, beth bynnag fo’u categori iaith, yn ymateb i ofynion y Llywodraeth ac yn cyflwyno treftadaeth a diwylliant Cymru, yn ogystal â’r Gymraeg i’w disgyblion. Bydd ymarferwyr iaith brofiadol, sy'n gweithio fel rhan o’r tîm iaith, yn eich hyfforddi mewn modd a fydd yn ennyn eich diddordeb i fedru rhoi sylw i’w gofyniad hwnnw. Ac ar ben hynny, yn yr Ysgolion Arweiniol, bydd 'Mentor Iaith', yn cael ei ddynodi i chi, a fydd hefyd yn cyd-gyflwyno sesiynau Cymraeg i chi yn ystod eich gradd.

Os ydych yn astudio trwy gyfrwng y Gymraeg, cewch gyfle dros y 3 blynedd i wella ymhellach eich sgiliau Cymraeg, hun mewn amgylchedd. Bydd y lleoliadau dros y tair blynedd mewn ysgolion cynradd cyfrwng Cymraeg, lle byddwch hefyd yn dysgu sut i ddatblygu sgiliau iaith a llythrennedd y disgyblion yn y Gymraeg a’r Saesneg.

Os ydych yn astudio drwy gyfrwng y Saesneg, cewch gyfle i ddatblygu eich sgiliau Cymraeg mewn sesiynau sydd wedi’u teilwra’n benodol i gyd-fynd â’ch. Bydd y sesiynau hyn yn eich galluogi i ddatblygu eich sgiliau dwyieithog mewn ffordd hwyliog a fydd yn ennyn eich diddordeb, sy'n ofynnol ar gyfer addysgu mewn ysgolion cynradd cyfrwng Saesneg yng Nghymru.

Ym Mhrifysgol ÑÇÖÞÉ«°É, rydym yn defnyddio ymchwil addysg i ddatblygu darlithoedd a seminarau, felly cewch ddysgu am y ffyrdd mwyaf arloesol ac effeithiol o addysgu a gallwch eu defnyddio i'ch disgyblion yn y dyfodol. Mae ein hymchwil yn cynnwys ysgolion lleol sy'n golygu cewch gyfle i fod yn rhan o rai prosiectau ymchwil. Mae cymryd rhan mewn prosiectau yn gynnar yn eich gyrfa addysgu yn bwysig, mae'n eich helpu i ddeall sut y gallwch fynd ar afael â heriau ddosbarthiadau a gwneud gwelliant ym maes addysgu.

Wedi’i lleoli ar lannau'r Fenai, dafliad carreg o Barc Cenedlaethol Eryri, mae digonedd o gyfleoedd i ddysgu yn yr awyr agored. Mae dysgu yn yr awyr agored yn ddull pedagogaidd gwerthfawr a all fod yn drawsnewidiol, gan gyfrannu at iechyd a lles a chynyddu mwynhad plentyn o ddysgu.

Yn dod yn fwyfwy poblogaidd pob diwrnod ym maes addysgu, gall addysg awyr agored helpu pobl ifanc i ddelio â straen arholiadau a phwysau bywyd bob dydd fel cyfryngau cymdeithasol. Wnawn ddysgu chi sut gallwch helpu cefnogi pobl ifanc trwy addysg awyr agored. Trwy astudio Addysg Gynradd, byddwch yn teimlo eich bod wedi'ch grymuso i helpu plant i gyflawni eu potensial mewn ffyrdd na ellir eu mesur yn ôl graddau yn unig - trwy waith tîm, gwydnwch, dewrder a thosturi.

Mae ein gradd BA mewn Addysg Gynradd yn cynnig Statws Athro Cymwys neu SAC. Mae hyn yn golygu bydd gennych yr cymwysterau cywir i allu fod yn athro yng Nghymru a Lloegr* pam byddwch yn graddio. Gallwch wneud cais am swydd yn ystod eich trydedd blwyddyn.

Mae’r radd wedi’i ddylunio i paratoi chi i fod yn athro. Rhwng darlithoedd, seminarau, lleoliadau ynghyd â’r dulliau asesu amrywiol a chefnogaeth yn ystod eich gradd, pam byddwch yn graddio bydd gennych y sgiliau a’r gwybodaeth i allu fod yn athro llwyddiannus.

*Dylai'r rhai sy'n dymuno dysgu y tu allan i Gymru a Lloegr wirio gyda Chorff Proffesiynol Athrawon y wlad dan sylw bod Statws Athro Cymwysedig yn cael ei gydnabod yno ac yn drosglwyddadwy.